Кудзэ пенсиез быръёно?

Россиысь Пенсиосъя фонд ивортэ: 4-тӥ толсуре (декабре) юнматэмын федерал кат (закон), со Россиысь пенсионной страхованиен герӟаськем нимысьтыз законодательной актъёсы воштонъёс пыртӥз.

Пенсионной страхованиея системаын регистрировать карем 1967-тӥ арын но солэсь бергес вордскем улосчиослы 2014-тӥ но 2015-тӥ аръёсы страховой взносъёссылэсь тарифсэ бырйыны луонлык сётэмын: яке, али сямен, 6 процент, яке пенсилэсь люкаськись люкетсэ (накопительная часть) палэнтыса, вань страховой взносъёсты (кудъёссэ тыро уж сётӥсьёс) пенсилэн страховой люкетэзлы висъяны.

Ноку азьвыл управляющей компаниосы яке негосударственной пенсионной фондъёсы вазиськылымтэ улосчиосмы азьланяз но страховой взносъёссэс 6 процентъем тарифен пенсизылэн люкаськись люкетаз висъяны малпало ке, соослы управляющей компание яке негосударственной пенсионной фондэ вазиськоно но пенсионной страхование сярысь огкыл (договор об обязательном пенсионном страховании) гожтоно. Озьыен, пенсилэн люкаськись люкетэзъя 6 процентъем тарифез быръён котькуд учыре герӟаськемын управляющей компаниен яке негосударственной пенсионной фондэн. Нош кин 2015-тӥ арын 31-тӥ декабрёзь отчы уз вазиськы, солэн взносъёсыз мынозы пенсилэн страховой люкетаз.

Мукет югдур огпол ке но негосударственной пенсионной фондэ яке управляющей компание (яке «Внешэкономбанке») вазиськылэмъёсын но отын огкыл гожтэмъёсын. Соослэн пенсизылэн люкаськись люкетаз страховой взносъёс азьланяз но 6 процент кылёзы, со понна нимысьтыз заявление яке огкыл гожтоно уз ни луы. Со улосчиос быгато взносъёссэс пенсилэн страховой люкетэзлы висъяны, со понна нимысьтыз заявление гожтоно. Таӵе решениез кутыны луэ котьку, нимысьтыз дыр солы юнматэмын ӧвӧл.

Пусйыны кулэ: 2013-тӥ арын, 2 процентъем тарифез бырйыса, «Внешэкономбанке» заявление гожтэм улосчиослэн 2014-тӥ арысен пенсизылэн люкаськись люкетэз уз ни буды, вань страховой взносъёс мынозы пенсизылэн страховой люкетаз (со понна нимысьтыз заявление гожтоно ӧвӧл). Нош 2014-тӥ-2015-тӥ аръёсы вазиськизы ке управляющей компание яке негосударственной пенсионной фондэ, взносъёс мынозы 6 процентъем тарифъя пенсизылэн люкаськись люкетаз.

Страховщикез быръён сярысь заявлениез, азьвыл сямен, сётыны луэ улон интыдыя Россиысь Пенсиосъя фондлэн ёзэтаз яке солэн трансферагентэз пыр – огазеяськонэ, кудӥныз Пенсиосъя фондлэн огкылэз вань. Озьы ик заявлениез келяны луэ почта яке курьер пыр, сыӵе дыръя улосчиослэсь кинюртэмъёссэс (подпись) эскере нотариус. Заявление гожтӥсь муртлы 14 арес тырмемын луыны кулэ.

Уд тодӥське ке, кыӵе страховщик тилесьтыд пенсидэс формировать каре, быгатӥськоды вазиськыны Россиысь Пенсиосъя фондэ но курыны асьтэ индивидуальной счётысьтыды выписка яке учкыны сое www.gosuslugi.ru сайтысь.

Улосчиос, кудъёсыз понна 2014-тӥ арын 1-тӥ январьысен нырысетӥзэ 6 процентъем страховой взносъёс тырозы, со дырысен (нырысетӥ взносысен) 5 ар ӵоже быгато бырйыны, пенсизылэн кыӵе люкетаз взносъёс мынозы. Решение кутытозязы 6 процентъем взносъёс кошкозы пенсизылэн страховой люкетаз.

Вуоно пенсидылэн страховой но люкаськись люкетъёсыз сярысь малпаськыку, тодады возе, страховой люкетсэ арлы быдэ индексациен валче кун будэтэ шуыса, со герӟаськемын инфляциен но Россиысь Пенсиосъя фондлэн доходъёсызлэн будэменыз. Нош пенсилэсь люкаськись люкетсэ инвестировать каре быръем управляющей компания яке негосударственной пенсионной фонд. Пенсилэн будэмез герӟаськемын со огазеяськонъёсыз инвестировать каремен. 

Тунсыко статьяос