Пӧсь вераськон - "Удмурт Кенеш" огазеяськонын

Таяз радэ исполкомлэн ёзчиосыз пумиськылӥзы Кун Кенешысь наукая, дышетонъя, лулчеберетъя но егитъёсын ужан политикая комиссилэн кивалтӥсеныз Наталья Судариковаен. Вераськон удмурт кылэз школаосын одно ик дышетоно тодметъёс пӧлы пыртон сярысь мынӥз.

Тулыспалэ ни депутатъёс дышетон удысэн герӟаськем катэ воштонъёсты эскерозы. Солы луыса ик исполкомын валтӥсь юан — кыӵе воштонъёсты ӵектоз Кун Кенешысь наукая, дышетонъя, лулчеберетъя но егитъёсын ужан политикая комиссия парламентын?

НАТАЛЬЯ СУДАРИКОВА, КУН КЕНЕШЫСЬ НАУКАЯ, ДЫШЕТОНЪЯ, ЛУЛЧЕБЕРЕТЪЯ НО ЕГИТЪЁСЫН УЖАН ПОЛИТИКАЯ КОМИССИЛЭН ТӦРОЕЗ: «Излишнее раскачивание национальной лодки оно всегда чревато определенными последствиями, которые не хотелось бы создавать на пустом месте... закон о полномочиях в области образования это не панацея, это только часть большой законодательной базы, которая должна существовать для того, чтобы язык функционировал как государственный язык».

Наталья Сударикова пусйиз — «Удмурт Кенешлэсь» ӵектонзэ депутатъёслы шараялоз Игорь Семенов. Пуштросэз валамон — удмурт кылэз вань школаосын одно ик дышетоно тодметъёс пӧлы пыртон. Пыртоно ини вуись сӥзьылысен.

ИГОРЬ СЕМЁНОВ, "УДМУРТ КЕНЕШ" ОГАЗЕЯСЬКОНЛЭН КИВАЛТӤСЕЗ: «Та уж огшоры ӧвӧл. Вань пумитъяськисьёс но, асьме удмуртъёс пӧлын но вань пумитъяськисьёс. Но кӧня потӥсько интернетэ — нунал бӧрсьы нунал, мыным выль иворъёсты лэзё пиналъёс татысь. И ми сак эскериськомы, кыӵе мылкыдын пумита та воштонэз калык».

Калыклэн мылкыдыз шараямын вал азьвылгес ортчем котырес ӝӧк сьӧрын. Отын йӧскалык политикая министрлэсь ужзэ быдэсъясь Лариса Буранова пусйиз — удмурт кылэз дышетыны пумит ӧвӧл шаерын улӥсьёс пӧлысь ог 38 процентэз . Лыдпус пичи ӧвӧл, но со бадӟым но ӧвӧл. Оло, солы луыса ик Кун Кенешысь комиссия потоз мукет ӵектонэн — удмурт кылэз каньылля, люкетэн-люкетэн дышетон удысэ вӧлмытоно. Нош уж борды кутсконо вуоно арысен.

ЗОЯ СУВОРОВА, ДЫШЕТОНЪЯ НО НАУКАЯ МИНИСТРЛЭН ВОШТӤСЕЗ: «Формулировка «обязательное» отпугнет многих, я вам точно говорю. Формулировка «поэтапное изучение языка, как государственного» — это тоже есть обязательность, но формулировка мягкая. Мы готовы разработать проектные документы и выйти на президиум Правительства».

Кыче воштонъёс понна куаразэс сётозы депутатъёс — вераны луоз ни сессия бере. Но пусъем потэ мукетсэ — удмурт кылэз али но дышетыны нокин но уг люкеты. Котькуд школаын, нылпи садын удмурт группаос-классъёс анай-атайёслэн куремзыя усьтӥськыны быгато. Соин ӵош вунэтоно ӧвӧл мукетсэ законэз но — удмурт элькунысь Кун кылъёс сярысь катэз.

НАТАЛЬЯ СУДАРИКОВА, КУН КЕНЕШЫСЬ НАУКАЯ, ДЫШЕТОНЪЯ, ЛУЛЧЕБЕРЕТЪЯ НО ЕГИТЪЁСЫН УЖАН ПОЛИТИКАЯ КОМИССИЛЭН ТӦРОЕЗ: «В первую очередь у нас претензии, предложения в базовый закон о языках Удмуртской Республики. Я считаю, что там нужно давать более серьёзные перспективы тем, кто владеет удмуртским языком — не обязательно это представители удмуртской нации. Речь идёт сейчас не о носителях языка, а о языке, о языке в целом как государственном языке. Не важно, кто на нём говорит — русский, татрин, мариец и т.д.».

Та катэ воштонъёсты дасялоз йӧскалык политикая министерство, нимысьтыз кылдытэм комиссия. Мар соос ӵектозы — возьматоз дыр.

Лена Слесарева, Александр Бикузин, Руслан Нуриахметов, «Мынам Удмуртие» телеканал

Тунсыко статьяос