SWG бадӟым концерт сётоз

17-тӥ толсуре Удмурт театрын Silent Woo Goore группалэн но Удмурт Элькунысь симфони кун оркестрлэн огъя концертсы ортчоз.  Концерт посвященный 5-и летию группы.

17-тӥ толсуре Удмурт театрын Silent Woo Goore группалэн но Удмурт Элькунысь симфони кун оркестрлэн огъя концертсы ортчоз, кудиз сиземын группалэн 5 ар тырмонэзлы. Группа но оркестр быдэстозы SWG-лэн «Toleze» альбомысьтыз кырӟанъёсты. Оркестрлы партитураос кылдытон бордын ужало крезьгурчи но аранжировщик Игорь Шалагин, композитор Юрий Толкач, дирижер но "Золотая мелодия" оркестрлэн кивалтӥсез Лев Накаряков. 
"60 крезьгурчиос но 60 инструментэн шудисьёс аккомпонироватьтозы Silent Woo Goore-лы". Композитор Юрий Толкач, кудиз ужаз оркестрлы партитураос кылдытон бордын, группа сярысь вераз "Кырзанъёссылэсь мылкыды умой кылиз. Этнофутуризм шомо. Туж тунсыко ог-огенызы герзасько рок но язычество."

 

 

Аслэсьтыз шумпотон мылкыдзэ уг ваты Света Ручкина
"Та концерт понна мон кыли Иже."

 

Нырысети выступленизы SWG-лэн ортчиз 2 коньывуонэ 2008 арын "Новая песня древней земли" нимо фестивальын. Нырысети 2 арзэ группа кырзалляз Ижлэн клубъёсаз, поталляз Екатеринбурге, Москвае но Финляндие. Нырысети бадзым вормонзы лыктиз гужем 2011 арын, куке соос Ижын ортчем Нырысети крезьгуро чемпионатын вормисе потизы но Карлэн нуналаз центральной сцена вылын кырзазы. Со арын ик "Открытый город" но "Теория относительности" нимо кар фестивальёсын SWG паймытиз кылзисьёссэ аслаз выль "Тол" нимо кырзанэныз. Тае кылыса, тодмо крезьгуръя критик Артемий Троицкий нимаз SWG-ез "удмурт Cranberries", нош Света Ручкинаез чошатиз тодмо Долорес О’Риорданэн. Куарусёнэ 2011 арын Петрозаводскын ортчись Carelian Faces нимо фестивальын Удмуртиысь асьсэлэсь быгатонлыксэс эскерыны бырйемын вал чапак "сайлентъёс". Нош 2012 арын шуркынмонэ SWG пыриськиз Италиын ортчись Liet International-2012 нимо чошатсконэ,кудзэ эшшо нимало на "Евровидение малых народов", кытын потиз кыкети интые.

Лиза Шихова

Тунсыко статьяос