УдГуысь ректор удмурт филологи но журналистика факультетъёсты пытсаны медэ

УдГУлэн ректорез Галина Мерзлякова турттэ пытсаны Удмурт Филология но Журналистика факультетъёс но «Журналистикая но финно-угортодонъя институт» кылдытыны.

УдГУ-ысь журналистика факультетлэн деканэз Владимир Байметов журналистика но филологи факультетъёсты огазеян сярысь ас малпанъёссэ вераз ИА Сусанинлы.

- Али дасяське университетэз реорганизовать каронъя план. Милемлы со сярысь номыр тодмо ӧвӧл на. Одӥгез гинэ, УдГУлэн ректорез Галина Мерзлякова монэн вераськыкуз нимзэ шараяз: «Журналистикая но финно-угортодонъя институт» пе, луоз. Туннэ нунал понна удмурт филология факультет но уг тоды - мар луоз, милям но журналистикаын тодмо ӧвӧл на.

- Милемлы кулэ ӧвӧл огазеяськон. Кондонъя но ужъя учконо ке, туннэ нуналлы журналистикая факультет пайдае луэ. Веранэз ӧвӧл, луо секытъёс, кудъёссэ ми соку ик вормыны тыршиськом. Адӟом. Университетлэсь ёзрадзэ воштон сярысь вераськон ӝутӥськоз южтолэзе ректоратын, собере ини тодмо луоз, дыр» - валэктӥз журналистика факультетлэн кивалтӥсез.

Вераны кулэ, 1999 арозь журфак удмурт филологи факультетлэн ёзэтэз лыдӟиськиз.

Тунсыко статьяос