"Кечол ӝытъёс" Улын Юри гуртэ вуылӥзы

29 шуркынмонэ "Кечол ӝытъёс" промо-группа Пичи Пурга ёросысь Улын Юри гуртэ вуылӥзы

Нырысьсэ школаын удмурт кыллы котырэс ӝӧк ортчиз. "Туала дышетскисьёслэн уг поты лыдӟемзы удмурт книгаосты, мылкыдтэк дышето удмурт кылэз. Та югдурез тупатон понна ми верамы егитъёслы ма со ми понна анай кылмы, кызьы ми сое азинтӥськом, кызьы со милемлы юрттэ. Вераськонын йӧтылӥм туала удмурт модаез но, киноез но, крезьгурез. 


Егитъёс туж мыло-кыдо ужрадэ пыриськизы, - вера радъясь Мария Золотарёва,- Нош бӧрысь УДМУРТ дискотекаын шулдыръяськимы. Ваньмы эктӥм-тыпыртӥм-кырӟам, позыръяським." 

Дискотекаын кырӟаз Ullapalla Boy но арганэн шудӥз Александр Ашихмин. 

Тани мар егитъёс та ӝыт сярысь гожъяло.

 

Туспуктӥз Мария Золотарёва

Тунсыко статьяос