Выль кылъёсты малпаку, сётэм кыллэсь пуштроссэ, уже кутӥськемзэ но этимологизэ эскере.

Кыл кунгож сьӧрысь лыктэмын ке, соку сое ӟуч кылысь берыктон интые, умойгес луысал азьнырысь кылысь берыктыны. Шуом, вань ке ритэйл кыл, сое берыктон понна ӟуч кыл шоры учкон интые, англи кылэз лыдэ басьтэ, отысь со вуэмын бере. Мурт кылысь вуэм кылэз эскерыку, та кыллэсь коннотациоссэ но ватсам валанъёссэ санэ басьтэ.
Англи кылъёслэсь этимологизэ татысь учкыны луэ – www.etymonline.com

Учке та кыллэн валатонэзъя матын луись кылъёсыз шоры, соослэсь пӧртэмлыксэс лыдэ басьтэ.

Тодметнимъёсты (прилагательнойёсты) берыктыку, соос борды ӟуч шомо –ой/-ёй суффиксъёсты итыны кулэ ӧвӧл. Со зэмос удмурт кыллы копак уг тупа. Та итэтъёсты (суффиксъёсты) ватсан интые, кылэз суффикстэк (удмурт кыл понна со огшоры мар ке) кельтэ яке –о/-ё суффиксэз ватсалэ.

Каронкылъёсты (глаголъёсты) берыктыку, ӟуч инфинитивез уже кутыны кулэ ӧвӧл. Шуом, модифицировать карыны – уз яра. Солэн толыкез ӧвӧл. Удмурт шӧмогес «пӧрмытыны» яке «модификацияны» шуыса умойгес луысал.

Радъясьёсыз


Партнёръёсыз


Ивортодэто спонсоръёсыз