Ӵошатон мадёнъёс/Мукет калыкъёслэн историысьтызы учыръёс

18-тӥ даурлэн пумозяз мадьяр кылэз улӥ, крестьян улонлы гинэ тупасен но тодослы, юриспруденцилы но туала литературалы чик тупасьтэмен лыдъяло вылэм. Габсбург выжыысь Кыкетӥез Осиплэн кутэмез потэмен югдур воштӥськем: немыч кылэз империлэн одӥг гинэ нимлыко кылыныз ялэм бӧрсьы мадьяръёс пӧлын нюръяськон тылгизьы кенжем. Мадьяръёс кылзылы бадӟым саклык висъяны кутскиллям. Мадьяр кылбурчи Ференц Казинци кылэз выльдон, узырмытон но чеберман кампани радъям. Та “кылэз выльдон” тулкым кӧня ке дасар кыстӥськем. Та вакыт ӵоже мадьяр мерын выль сямен но вуж сямен малпаськисьёс пӧлын лэчыт тэкшеронъёс мынӥллям.

Кылэз выльдытӥсьёс пӧртэм амалъёсты уже кутӥллям. Кылсярысь, вакчиятӥллям кылъёсты (gépely -> gép ‘машина’), огазеяллям но вакчиятӥллям соосты (ксь, rovátkolt + barom = rovar ‘grooved + animal = insect’ “кибы”), выльёссэ малпаллям. Куддыръя латин кылысь потэм кылдӥнез мадьяр шӧмъеменыз воштыны тыршиллям. Озьы латин кылысь асэстэм Matéria выль мадьяртэм anyag кылэн воштэмын вал.

Кылэз азинтӥсьёс мадьяр кыллэсь шыкыссэ трос поллы узырмытӥллям. Туала мадьяръёс со вакытэ пыртэм кылъёс пӧлысь 10 сюрс палазэ али но уже куто. Сыӵе кылкибашбур мадьяр кыллэсь финугор шӧмзэ юнматэм: ӧй ке луысал сокем трос мадьяр шӧмо выль нимкыл, туала мадьяр кыл индоевропа тусъемгес луысал, но бускель славян, немыч но роман кылъёслэсь ӧжытгес пӧртэмъяськысал.

http://hu.wikipedia.org/wiki/Nyelvújítás

Радъясьёсыз


Партнёръёсыз


Ивортодэто спонсоръёсыз