Удмурт кылбурчилы но выль кылъёсты кылдытӥсьлы Кузебай Гердлы вордскемез тырысен 115 ар тырмемезлы сӥзьыса, МУШ ужан огин, «Удмуртлык» дэменлык но егитъёслэн «Шунды» огазеяськонзы выль удмурт кылъёс кылдытон вылысь вотэсӵошатскон радъяло.

Ӵошатсконлэн радъясьёсыз: МУШ ужан огин, «Удмуртлык» дэменлык но егитъёслэн «Шунды» мер огазеяськонзы.

Ӵошатсконлэн ужпумез – удмурт шӧмо аналогъёсты асэстэм но каръяськымтэ кунгожсьӧрысь кылъёслы кылдытыны, удмурт кылын вераськисьёсты выль удмурт кылъёсты кылдытонэ отьыны, удмурт кыллы салкым шокчон сётыны.

Дунъян ӧри

Ӵошатсконлэн луоз нимаз дунъян ӧриез.
Ӧрие пыро: Александр Шкляев (газетчи, Удмурт кун университетысь дышетӥсь), Сергей Максимов (кылтодосчи), Виктор Шибанов (литературатодосчи, Удмурт кун университетысь дышетӥсь, нимкылъя ӧрилэн ёзчиез), Лидия Нянькина (гожъяськись). Ӧрие пырисьёс выль кылдытэм кылъёс шоры 3 пӧртэм сэрегысь учкозы:

Ортчытонлэн схемаез

Куинь вамыш: кыл кылдытон, дунъян, вормисьсэ пусъён.
Нырысь вань мылкыдчиослы сётэм кылъёслы удмурт аналогъёсты кылдытыны кулэ луоз.
Собере та берыктэм кылъёсты эскероз но дунъялоз нимаз эксперто ӧри.
Та дыре ик та кылъёслы дунъетъёссэс сётозы огшоры удмурт адямиос но.
Дунъян ортчем бере быръемын луозы 5 адями, кудъёсызлэн кылъёссы тужгес но вылӥ дунъетъёс басьтозы.
Та вить адямиос пусъемын луозы пичияк кузьымъёсын.

Кузьымъёс: удмурт кылын книгаос, футболкаос, «Перпечкин» кафелэн сертификатъёсыз, Удмурт филармонилэн концертъёсаз билетъёс но мукет.

Партнёръёсыз: «Перепечкин» нимо кафеос, Удмурт филармония.

Ӵошатсконлэн ивортодэто спонсоръёсыз: «Удмуртлык» ВКонтактеысь дэменлык, Uralistica финугор мер вотэс.

Радъясьёсыз


Партнёръёсыз


Ивортодэто спонсоръёсыз